ఉల్లాసంగా ఉత్సాహంగా పదండి తిరుమల గిరికి

ఉల్లాసంగా ఉత్సాహంగా పదండి తిరుమలగిరికి

వరముల పెన్నిధి పురికి
సిరివరముల స్వామికి దరికి
పదండి ముందుకు పైపైకి

ఏడుకొండలు ఎక్కవలెనయా
గోవిందుడి భజనలు చేయ వలెనయా
కొండ కొండకు కథ కలదు
విన్న వాళ్ళకు శ్రమ లేదు ||ఉల్లాసంగా ఉత్సాహంగా

ఇదే శేషశైలము
శేషాచలము
ఆదిశేషుని అవతారము
తిరుమల మోసే ఘన శిరము ||ఉల్లాసంగా ఉత్సాహంగా

విష్ణుదేవుని వాహనమితడే
భూమికి భువికి సేతువు ఇతడే
వైకుంట పురికి సాధన మితడే
గరుడా చలముగా విలసిల్లునతడే ||ఉల్లాసంగా ఉత్సాహంగా

కష్టములను కట కట త్రెంచే
నాధుడు వెంకట ఈశ్వరుడు
వెంకటాద్రి విశ్రాంతి మెట్లివే
కావుము కావుము స్వామీ అంటూ కూర్చుని లెండు కాసేపు ||ఉల్లాసంగా ఉత్సాహంగా

నరజన్మ తరనోపాయం
నారాయణ ఉపాఖ్యానం
గీతోపదేశ ఉచ్చ స్థానం
నారాయణాద్రి మకుట స్థానం ||ఉల్లాసంగా ఉత్సాహంగా

శివుని వాహనం
చిత్ర విచిత్రం
వేంకటేశ్వరుని ఆసనం
వృషభాద్రి నామ అచలం ||ఉల్లాసంగా ఉత్సాహంగా

వృషాద్రి సోపానం
కరివరదుడి కటాక్షం
తిరుమల దర్శనం
మీ కోరిక సాఫల్యం ||ఉల్లాసంగా ఉత్సాహంగా

ఏడుకొండలవాడి దివ్య ధామం
మ్రొక్కి వచ్చిన వైకుంఠ ధామం
కొండలలో కోనేటి రాయని ప్రాసాదం
తిరుమలకొండా శరనిచ్చే అండా ||ఉల్లాసంగా ఉత్సాహంగా

ఉల్లాసంగా ఉత్సాహంగా వచ్చేసారు దరికి
పాపాలను కడిగే కోనేటికి
వరాహ స్వామి గుడికి
పదండి ముందుకు కదలి ||ఉల్లాసంగా ఉత్సాహంగా

వరములనిచ్చే స్వామి
సిరివరములనిచ్చే దేవి
ఎదురుగ నిలబడి కోరి
పొందర జన్మకి ముక్తి ||ఉల్లాసంగా ఉత్సాహంగా



నారాయణ రావు కంభంపాటి
థానే
31.10 . 2001
హైదరాబాదు నుండి ముంబాయి దేవగిరి ఎక్స్ ప్రెస్ రైలులో

First posted in
http://knol.google.com/k/-/-/2utb2lsm2k7a/5926