శివరాత్రి జాగారం
సంఘ సంక్షేమ వ్యవహారం
అరిష్టాన్ని అడ్డుకునే సమిష్టి కార్యక్రమం
నష్టాని ఆపే పెద్ద ప్రయత్నం
సంఘానికి వచ్చిన కష్టం పెద్దది
సామాన్యుల వల్ల కానిది
జరుగుతున్న నష్టాలు చాలా చాలా ఎక్కువ
ఆపడానికి ఉన్న శక్తి చాలా తక్కువ
శివుడంత వాడు రావాలి
సమస్యను బాగా చూడాలి
తన పూర్తి శక్తిని వాడాలి
స్వయంగా సమస్యతో పోరాడాలి
మరి జాగార మెందుకు
శివుడున్నాడుగా మనకు నిద్రభంగమెందుకు
అలసి పోయి ఉన్నాము
వెళ్లి విశ్రమిద్దాము
శివరాత్రి కధ వింటే తెలుస్తుంది కొంత
శివుడికీ కావాలి పార్వతి చెంత
సహాయం కావాలి
ప్రోత్సాహం కావాలి
శివుడు పెద్ద రాక్షసుడుతో యుద్ధం చేస్తుంటే
చిన్న రాక్షసులను ఎవరు ఆపుతారు
ప్రజలంతా పడుకుంటే
అంతా క్షేమం అనుకుంటే
మిగిలేది నాశనం
జరిగేది సర్వనాశనం
శివరాత్రి జాగారం
సంఘ సంక్షేమ వ్యవహారం
మేలుకో మేలుకో
నిద్రమీద మమకారం మర్చిపో మర్చిపో
ఎదురుగా ఉన్న ఆపదను ఎదుర్కో ఎదుర్కో
శివుడుతో చెయ్యి కలిపి సమరం గెలుచుకో గెలుచుకో
No comments:
Post a Comment